الله يحيكم
ارحب تراحيب .المطر برق ورعود
لمطير … حمران النواظر سحابه
معها طواريقي .بها المسك والعود
متوزعه كلن …ونحسب حسابة
شاعر ولاني من عنا الوقت محدود
ولى لابتن هيبه… وعز ومهابه
الطيب متسلسل بشاهد ومشهود
وابطالنا سيرة ..بكتب الصحابه
والقاف له شاعر بلا حد وحدود
يطرق وطاروقه… بليله سرابة
نوبن بشرق المملكه سهود ومهود
ونوبن مراطب بالجنوب و رقابة
وليا وعدنا وعدنا .دوم معهود
نحفظ صداقة…جارنا والقرابه
عبدالله الي يقدح الطيب بارود
وليا قدح.. ناموس ماينصخابه
اتشوف دربه بالكرم دوم ممدود
وللموقف الغصاب ماصك بابه
العلم غانم والشجاعه مع الجود
على المعزه. والكرم والرحابه
الصاحب الي مايجي منه منقود
والا الردي بالناس ما يندرى به
عز الخوي في خوته راقي سنود
والي يبي…… دربه ينوخ ركابه
